Orange AFCON 2013 Yaanza Bila Magoli

Mashindano yalokuwa yakisubiriwa kwa hamu na shauku yamezizima nyoyo za washabiki walokuwa wakisubiri kuona timu kubwa kama Africa ya Kusini ikiicharaza Cape Verde katika mechi ya ufunguzi. Lakini mambo haya kuwa mambo, wanasema mtoto kakataa kutumwa dukani. Kalilia waende wote....Wachunguzi wa

masuala ya mpira wanasema ya kwamba yawezekana timu kubwa kama Afrika ya Kusini hawaja jiandaa vya kutosha "Wakidhania mpira ni lelemama" au Cape Verde walijiandaa kuikabili timu ya Mkongwa Nelson Mandela vilivyo. Wakitumia 'tactics' za kuharibu mpangilio wa pasi za mashambulizi ya Afrika ya Kusini. Kwa mtizamo wa wachambuzi hao ni
kwamba kama Cape Verde ikiendelea kuimarisha ngome ya ulinzi na wakaweza kujiweka vizuri kwenye safu ya ushambuliaji hakika watafika hatua za mbali. Kwa upande mwingine hii ni ishara ya kuwakumbusha wachezaji wa timu ya madiba wasibweteke wakadhani Kombe litabaki kwao kirahisi rahisi tu. Wanapaswa kucheza mpira wa uhakika. Timu zingine zilizocheza leo ni Angola na Morocco ambazo nazo zimetoka sare ya bila magoli. Swali la kujiuliza, je huu ni mwanzo mbaya wa Orange Africa Cup of Nations 2013? Au tuwe na subira tu labda mambo yata badilika mbele ya safari.